الرقم غير متاح دائما
كتبهاعلى الشناوى ، في 8 أبريل 2009 الساعة: 07:58 ص
دق جرس التليفون سميرة التقطت السماعة بسرعة معتقدها ان امها المتصلة فهذا موعدالاتصالات اليومية بين سميرة وامها لتبادل المعلومات المهمة والتافهة والنميمة على الجميع بلا رحمة ولكنها عندما رفعت السماعة قائلة ايوة يا ماما لم تسمع صوت ماما بل سمعت صوت انثوى خافت
المتصلة- انتى مدام سميرة
سميرة- وقد تعلثمت فى الرد - ايوة انا سميرة
المتصلة- انا واحدة عيزة مصلحتك
سميرة- مين معايا
المتصلة- منا قولت انا واحدة عيزة مصلحتك وعيزة اعرفك الحقيقة اللى انتى مش عرفاها
سميرة- ضاحكة- وياترى عيزة تقولى ان جوزى عامل علاقة مع مين المرة دية
المتصلة- بأستغراب لا انا مش عيزة اقولك كدة ممكن تسمعينى
سميرة – ممكن اعرف من انتى
المتصلة – اعتبرنى حلم بتحلمى بية او رؤية شوفتيها
سميرة- الاول اعرف مين انتى
المتصلة- على العموم انا عملت اللى عليا ولو مش عيزة تسمعى خلاص برحتك
سميرة- اكيد برحتى وياريت ماتتصليش تانى هنا
المتصلة – ماشى ياسميرة بس اخر حاجة هقولة ليكى ونصيحى منى ياريت تخلى بالك من جوزك شوية وتشوفية بيروح فين ومع مين وبيعمل اية – وبالمرة اسألية عن ميدان الابرا و سلام
و اغلقت هذة المجهولة التليفون بعنف وانفعال يدل على الفشل فى احداث صدع بين الزوجين المتحابين سميرة وشادى ولكن عقل سميرة لايزال يستقبل كلمات المتصلة المجهولة وكأنها فى كابوس ودارت الاسئلة فى راسها وصراع الشك واليقين يلتف حول اعناقها ولسان حالها هل معقول ان شادى يخونها بدم بارد وتقول لنفسها لا ليس معقولا بعد الحب العنيف وسنوات العشق والغرام ان يضيع حب عمرة عشرة سنوات ولكنها تعود الى كابوسها من جديد وتقول ال يمكن ان يكون شادى بارعا فى الخيانة لدرجة انها لم ترشدها حاستها السادسة لكشف حقيقة زوجها البارع وهنا تذكرت كيف كان شادى يختلق الاقاويل على الجميع مستخدما مهارتة فى الاقناع ليقلب الحقائق ويختلق الاكاذيب فى اى موضوع وكيف انة واسع الثقافة والمعرفة وعلى دراية كاملة بعيوب ومميزات كل من بجوارة وكيف انة يتعامل مع الجميع كلا على قدر طاقتة وكيف انة وسيم رائع يجذب الانظار وكيف انة ضعيف بنفس الدرجة امام الانثى وكيف انة مجنون فى عشقة وحبة للجمال والمخاطرة ايعقل ان يكون اقامة علاقة ودون ان تدرى .
فاذا كان هذا هو قدرى فمن هى اذن ؟ من هى تلك الفتاة الشريرة التى هزمتنى بمنتهى القوة ياترى هى اجمل منى اهى اعطتة اكثر منى اهى ضحت ووهبت نفسها لة من هى من هى.
ومرت الدقائق تلاحقها الساعات وسميرة فى نفس الحالة مضربة عن الطعام والكلام وكلما رن جرس التليفون تموت رعبا وخوفا من عودة المجهولة او اى مجهولة اخرى .
واخير عاد شادى الى منزلة وبابتسامة معهودة منح زوجتة قبلة عابرة تنم عن الرغبة ولكنها قابلتة بقبلة فاترة تنم عن النفور
شادى- السلام عليكم
سميرة- دون ان تنظر الى عينية – عليكم السلام
شادى- باستغراب اية مالك ياحببتى فى اية
سميرة- مفيش
شادى- معقول هتخبى على حب العمرة كلة قولى بس مين زعلك وانا اودية ورا الشمس
سميرة- مفيش حاجة قولتلك
شادى- يبقى انتى زعلانة منى انا
سميرة- وهزعل منك لية هوانت بتعمل حاجة غلط انت الصح نفسة ولو بتعمل حاجة غلط يبقى الغلط صح
شادى- ياترى دية تريقة ولا اعجاب
سميرة- انا اتريق عليك معقول بعد العشرة دية كلها\
شادى- انا برضة قولت كدة قولى بقى من زعلك
سميرة- اصل فى موضوع محيرنى شوية
شادى – قولى اية هو ونفكر سوا
سميرة – اصلى فاتن صحبتى اكتشفت ان جوزها مجوز عليها
شادى- معقول
سميرة – طبعا مش معقول بس صنف الرجالة كدة دايما عنيهم فارغة
شادى – الا انا طبعا
سميرة- طبعا ياحبيبى هو فى حد زيك
شادى- كلامك يقلق
سميرة- يقلق لية هو انت اللى اجوزت ولا جوز فاتن هو اللى اتجوز
شادى- معرفش
سميرة- بص بقى ياعم شادى انا هديك فرصة اخيرة توضح ليا اية اللى بيحصل
شادى- فرصة
سميرة – من الاخرة كدة فى واحدة اتصلت بيا النهاردة وبتقول
شادى – مكمليش بتقول انى بخونك
سميرة- ايوة
شادى- وبعدين
سميرة – انا قفلت فى وشها السكة
شادى – وبعدين
سميرة ولا قبلين
شادى-يعنى المطلوب منى اية دلوقتى
سميرة- المطلوب انك توضحى مين دية
شادى – وانا هعرف من اين
سميرة- حرام عليك انا هجنن من سعتها
شادى – اهدى بس انا عايز اعرف انا ذنبى اية يعنى
سميرة ذنبك اية
شادى – المفروض انك متشكيش فيا وزى ما انتى قفلتى السكة فى وشها تقفلى الموضوع دا ومتفكريش فية من اساسة
سميرة- ازاى يعنى حط نفسك مكانى شوف كنت هتعمل اية
شادى – كنت هضحك واقول للى بيتكلم انت بتفرج على افلام عربى قديمة اوى بتاعة حسين صدقى وليلى مراد
سميرة- افلام
شادى – ايوة افلام اللى الكلام اللى حاصل ليكى انهاردة دية نفس اللى بحصل فى الافلام القديمة
سميرة- يعنى انتى مش عيزنى حتى ازعل
شادى وتزعلى لية وعلى العموم لو انتى عيزة تعرفى مين اللى بتكلم ممكن نروح السنترال نسأل عن الرقم بس انا متأكد اننا هنلاقية رقم من الشارع لان اللى بعمل الحاجات دية بيكون عايز يجرب البيت ولو هو عايز مصلحتك كان قالك هو مين وكان اداكى دليل كمان وبعدين المفروض انك انتى تحسى اذا كان جوزك بحبك ولا
سميرة- ازاى
شادى- اسألى قلبك يدلك على راى ليلى مراد انا قلبى دليلى
سمير- انت دلوقتى اللى بتسخدم كلام الاغانى للافلام القديمة
شادى- انا بكلمك بالطريقة اللى انتى بتحبها عشان تفهمنى اكتر
سميرة- خلاص يا شادى بس انت لازم تقدر الحالة اللى انا كنت فيها بعد المكالمة دية
شادى – ياحببتى كنتى هتعملى اية لو حد قالك روحى شوفى جوزك دلوقتى فى كبارية الوردة البيضا
سميرة- كبارية الوردة البيضا
شادى- ايوة انتى متعرفهوش بتاع الدكتور محمد عبد الوهاب
سميرة – انت بتهرج
شادى- انا بس عايز اطلعك من الحالة اللى انت فيها
سميرة- خلاص ياعم المهرج
شادى-يعنى مش هتفتحى الموضوع دا تانى ولو ميت واحد اتصل قولهم انا عرف ومحدش لية دعوى بيا ولا بجوزى
سميرة- تمام يافندم
وبعد اسبوع
يرن جرس التلفون مرة اخرى
سميرة- الو مين معايا
المتصل- انتى مدام سميرة
سميرة – ايوة مين معايا
المتصل- انا فاعل خير
سميرة – تانى
المتصل- اسمعى بس انا عايز مصلحتك
سميرة – ابعدوا عنى بقى
المتصل- يامدام انتى عيشة فى غيبوبة وانا لازم اوضحلك الحقيقة
سميرة – قول اللى عندك وخلصنى
المتصل- جوزك يامدام بخونك مع واحدة مخطوبة
سميرة – ممكن اعرف انت مصلحتك اية
المتصل – ما انا خطبها
سميرة – يبقى العيب مش فى جوزى العيب فيك انت اللى رضيت على نفسك كدة
المتصل- انا حاسس بيكى اية رايك نسقيهم من نفس الكاس
سميرة – قصدك اية
المتصل- مش هينفع فى التليفون قبلنى بكرة الساعة 12 عند ميدان التحرير
سميرة –انت اجننت
المتصل- لا انا احمد وعلى العموم فكرى لحد بكرة وانا هستناكى فى جميع الاحوال
سميرة- انا انسانة محترمة انت فكرنى زى خطبيتك
احمد – انتى فهمتينى غلط
سميرة- لو سمحت بلاش تتكلم تانى
احمد – مقاطعا – انا قصدى انى هدلك على الحقيقة وهديلك الدليل القوى عشان تقدرى توجهى بية جوزك
سميرة- دليل اية
احمد – تعالى وانتى تعرفى بس انا معايا حجات لوشوفتيها هتفهمى الحقيقة صح
سميرة-انا مش عيزة اعرف حاجة
احمد انا هستناكى بكرة الساعة 12 سلام
وعلى الفور اغلقت سميرة السماعة خائفة وعادت الحيرة الى قلبها ودب صراع داخلها بين الرغبة فى معرفة الحقيقة والخوف من وجود مكيدة لها ومرت الساعات ولم تبادر سميرة بأتخاذ اى قرار الى ان دقت الساعة الحادية عشر ولابد لها فى تلك اللحظة ان تتخذ قراروبشكل عفوى بادرت باتداء ملابسها ولازت بالفرار من منزلها قاصدة ميدان التحرير لتحرر نفسها من قيود الشك وصولا الى اليقين
ولكنها رغم ذلك كانت مترددة خائفة من مر اليقين فقد كانت تخشى ان يكون زوجها مدان فعلا ويقيم علاقة مع اخريات وكلما تقدمت خطوة لملاقاة ذلك اللعين انتشر الرعب داخلها كمرض خبيث وها هى على مقربة بسيطة من المكان المتفق علية ورات الشخص المطلوب يلتفت يمينا ويسارا كاللص الماكر وهنا قررت العودة من جديد الى بيتها فلم تقوى ان تستمع الى كلمات قد تهدم حياتها وتشعرها بانها مخدوعة طوال عشر سنوات ماضية وتذكرت تلك السنوات وكيف كان زوجها رائعا على الدوام صبورا دائم العشق والغرام فكيف تهدم عشها الجميل بمجرد كلمات ليس عليها دليل سوى كلمات وحتى لو ان زوجها يخونها فقد تكون نزوة وعليها ان تبحث عن اسبابها داخلها وتعيد وترمم بيتها من جديد
وهكذا وصلت الى منزلها فعاود جرس التليفون معلنا الاجراس فالتقت السماعة بكل قوة ودون ان تعلم من المتصل قالت
النمرة غلط يافندم و لا يوجد شخص بهذا الاسم هنا ومن يومها اصبح رقم سميرة غير متاح دائما
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
أبريل 8th, 2009 at 8 أبريل 2009 12:44 م
الله يا على
يا سلاستك يا أبن الشناوى
تصدق زعلت أن القصه خلصت!!!
بس بينى وبينك هى أتصرفت بعقل .. أصلها لو عرفت هاتعمل ايه؟
تحفه يا على فعلا
ونورتنى
بس أقرا من الاول يا جميل
التشابه اللى بينا طبعا واضح فى الاسلوب وكمان أسمنا زى بعض بالظبط
على-أيمان
بالظبط هههههههههه
خدت بالك أنى أول واحده
أبريل 8th, 2009 at 8 أبريل 2009 1:18 م
سجل يا أديبنا تانى المعلقين
مضمونك عميق فعلاً وجميل
وصياغة الموضوع سهله وبسيطه
يسهل على أمثالنا فهمها
جميل فعلاً نصائحك المغلفه بسيلوفان
البساطه..
وواضح رغبتك فى تعديل بعض السلوكيات
أو للدقه ردود الأفعال عند بنات حواء..
وقضية الخيانه بشكل خاص وكل ما يتعلق بها
تؤرق قلمكم ويودّ القلم لو فاض بالنصح الكثير
شكراً لكم أديبنا الكريم
أبريل 8th, 2009 at 8 أبريل 2009 1:48 م
الاديب الرائع والمحام4ي الهمام واستاذنا الكبير علي اولا شكراااااا كتير ثانيا القصة تحفة وفعلالا بتمس ناس كتير قوي مش عاوزة اقولك ان اختك اتعرضت لموقف شبيه حرفيا بس بصراحة ما كنتشعقل صاحبة الرواية استاذنا علي اجمل ما في ادبك انه يترك لنا حرية اختيار النهاية ولقد اخترتها اظن بخيالي انه سيطلع مظلوما جدا فالقلب كما اتفقنا لا يتحمل امراتان وحبان معا تحياتي استاذنا
أبريل 8th, 2009 at 8 أبريل 2009 7:32 م
اخى العزيز
على
اولا اشكرك جدا جدا
على مرورك الطيب
وكلماتك الرقيقه
وثانيا عجبنى جدا اسلوبك فى الكتابه
واضح انك تملك كل مفردات الابداع
دمت بخير
اكرم
أبريل 8th, 2009 at 8 أبريل 2009 8:16 م
الله
بجد استمتعت حتى آخر حرف
مبسوطه إنى عرفت المكان
مساءك ورد و شهد يارب
أبريل 9th, 2009 at 9 أبريل 2009 7:47 ص
لا يا ساره أنا فهمت النهايه بشكل مختلف
ومش عارفه هل هذا هو ما أراد الكاتب ان نفهمه ام لا..؟
أنا اللى فهمته أنا تليفونها اصبح غير متاح لكل
من يعكر صفو حياتها الزوجيه
او يثير شكوكها تجاه زوجها
والله اعلم بالمعنى الحقيقى
أبريل 11th, 2009 at 11 أبريل 2009 4:10 م
استاذنا الكبير علي يشرفني رايك ايها الكاتب القصصي المبدع على قصتي الجديدة ضحكات مجنونة ستجدها في المذيد يهمني رايك جدا
أبريل 12th, 2009 at 12 أبريل 2009 2:25 م
الاديب الراقي علي الشناوي شكرا كثيرا على تلبية دعوتك وتعليقك الراقي ولكنني كنت اريد توضيح ما هو وجه الاختلاف عفوا استاذي فانا احب الاستفادة من كل حرف نقد خاصة لو كانت هذه الحرف من كاتب متميز زوقلم رشيق مثلك وهل الاختلاف للاحسن ام للاسوا وما رايك في تلك الشخصيات التي لا تشعر بما بين يديها في انتظار ردك اسفة على التعب وهل قرات الجزء الاول فقط ام الاثنين تحياتي لك اديب نا الجميل
أبريل 12th, 2009 at 12 أبريل 2009 11:28 م
أ/علي
قصة من قلب الواقع وأبطالها هم على شاكلة ابطال حياتنا الواقعية والحدث طبعا موجود ومتكرر
المعالجة للمشكلة التي طرحتها أنت في قصتك أن تصم الزوجة اذنيهاوتلجأ للعقل وللقلب وهي معالجة فعالة ولكن كثيرا من النساء يتسرعن ويذهبن وراء شكوكهن وخاصة لو كان عقلهن يعلن لهم ان الزوج غير موثوق به
مجرد تحليل حسيته وأنا بقرأ قصتك
نهاية انا استمتعت بها كثيرا
وعاوزة رأيك في موقف واقعي سردته في مدونتي يهمك كرجل
تحياتي
أبريل 13th, 2009 at 13 أبريل 2009 8:16 ص
اديبنا الجميل علي شكرا جدا على انك وضحت وجهة نظرك واود ان اوضح لك شيء استاذنا انني مهتمة بكل حرف ناقد فما بالك باديبنا المتميز علي خاصة انني اشعر انك تغوص في النص وتحلله بالناقد فلا يكون تعليقك مجرد كلمات اثبات حضور وفقطمعلش باتعبك معايا بس ارجع واقولك نعمل ايه وسيادتك ناقد موهوب تحياتي ونرجو منك المذيد
أبريل 13th, 2009 at 13 أبريل 2009 9:52 م
الاستاذ على
مدونه رائعه
تقبل مرورى للتعارف
دمت بحفظ الله
أبريل 14th, 2009 at 14 أبريل 2009 1:00 م
بسبس
بسبس
الواحد وتلاتين
عروستى؟
أبريل 14th, 2009 at 14 أبريل 2009 2:09 م
من اجمل المواضيع
هذا هو النت تابعوه
http://noureldens.maktoobblog.com/
أبريل 14th, 2009 at 14 أبريل 2009 2:13 م
انهايه ايه
أبريل 14th, 2009 at 14 أبريل 2009 3:00 م
كما ترى اصنع النهاية بنفسك
أبريل 14th, 2009 at 14 أبريل 2009 4:24 م
أخى على الشناوى..
شاركنى بقرائتك لإدراجى الجديد
هذا الحبيبُ كأنى أراهُ..
لا تتأخر أخى…أنتظرك
ومشاركتك تهمنى للغايه
بوركت…وسلمت..
أبريل 15th, 2009 at 15 أبريل 2009 7:21 ص
السلام عليكم
تايه ياولاد الحلال … برجاء البحث معنا
@@@@@@@@@@@@@@@@@@@@@@
واحد اتنين
واحد اتنين الجيش العربى فين
الجيش العربى فين
الجيش العربى فين
الجيش العربى فى مصر
ساكن فى مدينه نصر
بيصحى من النوم العصر
وبيفطر شاى ومنين
واحد اتنين الجيش العربى فين
الجيش العربى فى سوريا
حالق على الموضع كابوريا
وعلى طريقه فكتوريا
خلى الترماى بدورين
واحد اتنين الجيش العربى فين
………………….
لاستكمال باقى القصيده برجاء الضغط على الرابط التالى
http://m20081986.maktoobblog.com/1611042
أبريل 16th, 2009 at 16 أبريل 2009 8:46 ص
صباح الورد اديبنا الرائع اين جديدك اشتقنا لقلمك نحن في الانتظار عموما لقد كتبت قصة جديدة على جزئين وفي انتظار ردك وتعليقك يهمني حضورك ايها الناقد البارع
أبريل 16th, 2009 at 16 أبريل 2009 7:58 م
مدونة تسب الله
بسم الله الرحمن الرحيم الحمد لله، والصلاة والسّلام على رسول الله، وعلى آله وصحبه ، وبعد….. الإخوة و الأخوات السلام عليكم و رحمة الله و بركاته
الرسالة على الموصل
arrahamat.maktoobblog.com/1618681
أبريل 16th, 2009 at 16 أبريل 2009 8:30 م
الاخ الفاضل والاديب المتميز علي الشناوي شكرا لك كثيرا فانا من لي الفخر ان يعلق علي كاتب متميز غزير عميق الثقافة مثلك شكرا كثيرا
أبريل 17th, 2009 at 17 أبريل 2009 12:24 م
اديبنا الهمام والناقد الجميل المتامل علي الجزء التاني والاخير نزل يلا في انتظار تشريفكوتعليقك الذي اعتز به كثيرا
أبريل 23rd, 2009 at 23 أبريل 2009 7:35 م
أين انتم اخى الكريم…؟
ما هذه الغيبه لعلك بخير
هناك مشكله جديده تنتظر رأيكم
أسمها الصدمه..!
بأنتظاركم أخى هناك
أبريل 26th, 2009 at 26 أبريل 2009 4:35 م
اديبنا الهمام واستاذنا علي عندي ثلاث مواضيع في انتظارك سيدي والتعليقات حارة وساخنة جدا في الادراجين الاخيرين فالمدعو الراقي طاهر الصوفاني طبعا سيادتك عارف الرقي بتاعه شكله ايه مهزقني في مدونته لمجرد اني كتبت وجهة نظر في حادثة مريت بيها الي هي عابرسبيل والناس بين مؤيد ورافض خش المدونتين وعاوزة حكمك محامينا الجميل وياريت تعلق على اول رباعياتي
أبريل 26th, 2009 at 26 أبريل 2009 4:38 م
اسفة على تعبك بس رايك غالي عندي جدا اصل رقي وشياكة اسلوبك لا خلاف عليهم
أبريل 27th, 2009 at 27 أبريل 2009 9:12 ص
استاذنا علي الشناوي ياريت تمسح التعليقيين الاخريين دول من فضلك ارجوك
مايو 2nd, 2009 at 2 مايو 2009 9:24 م
استاذنا علي انت فين ياريت تطمنا عليك عموما المشكلة اتحلت وطاهر بقى اخ غالي وسؤ الفهم اتحل يارب تكون بخير
مايو 8th, 2009 at 8 مايو 2009 2:08 ص
انت فين يا عم على؟
طمنى عليك
ومن ساعتها ما كتبتش حاجه جديده ليه؟
عندى فصل جديد
عدى عليه
صباح الفل
مايو 11th, 2009 at 11 مايو 2009 9:02 م
أ/ على الشناوي
غبت عن مدونتك ورجعت لم اجد جديد لك
لعل المانع خير
في انتظارك
مايو 21st, 2009 at 21 مايو 2009 10:11 م
مكتوباتك زي مهي متغيرتش ممتعه ومختلفه واسلوبك واضح في عرض المشاكل ولكن ليه متغيب عنا احنا بنحب مكتوباتك واسلوبك وده وعد ومكتوب اننا ننتظرك فيارب تكون بصحه جيده وتعاود الكتابه مره تانيه استاذي تلميذتك وعد
مايو 23rd, 2009 at 23 مايو 2009 9:24 ص
اعزائى المعلقين والعزيزة وعد
احب ان اقول اننى مررت بظروف قاسية جدا منذ اكثر من شهر كادت ان تهدم حياتى بكاملها ووضعتنى امام اختيارات متصارعة متتابعة ومنعتنى من مجرد الاطلاع على كل هذة التعليقات الجميلة التى اشعرتنى بالفخر والامتنان
ورغم اننى شعرت ان القلم يأبى ان يطاوعتنى فكلمات كتبت قصة اجدنى لا اعرف تملتها لدرجة اننى كتبت اربع قصص غير مكتملة مثل( البلهاء وهؤلاء وناهد والمصيدة وسهيلة بنت عصرية وكذبة واحدة لاتكفى والفاتنة والاشقر) وكلها قصص اتمنى ان اكملها ولكنى لم استطيع فعلا
اما الان فقد بدى لى املا يلمع من بعيد واعاد لى نيبة من توازنى واتعهد اننى سوف اعيد ترميم كل حياتى وافكارى
واخير شكرا لكم جميعا واخص الاخت سارة ونفين وايمان وسامية وبالطبع لن انسى تلميذتى وعد
وشكرا
مايو 23rd, 2009 at 23 مايو 2009 7:47 م
انتظر مقروئاتك بفارغ الصبر لانها هي الوعد الوحيد الذي بين الكاتب وبين تلميذته فيارب لا تتاخر عن تلميذتك وعد بالكثر من الكتابات والموضوعات ويارب تكون بصخه جيده
مايو 30th, 2009 at 30 مايو 2009 1:12 م
استاذنا علي ياريت تمسح كل تعليقاتي الخاصة بطاهر الصوفاني شكرا جدا اخويا العزيز
يونيو 4th, 2009 at 4 يونيو 2009 9:31 ص
يعني تسيب نفسها عايشا في شك علي طول ؟ أنا ماضنيش ان لو حصل العكس والزوج هو إلي شك ان مراته بتخونو كان حيطلقها حتي من غير ما يتأكد !! وللأسف