روموت كنترول بعد الثورة
فاكرين من حوالى سنتين ونص حاولت اكتب ذكرياتى مع صحبى المواطن الغلبان بس الصراحة سعتها كنت ارفان وتعبان ومضايق من الوضع والاوضاع ويمكن كان دمى تقيل ورخيم بس يعنى كنت هعمل اية ما كل حاجة سعتها كانت محبطة وكل القنوات اللى كنت بتعامل معها كانت مزيفة ومقيدة واهى كل الناس كانت عايشة وخلاص انما دلوقتى واليوم بالذات الدنيا اتغريت واهى تونس قامت ومصر بانت وليبيا فاقت واليمن اابت وسوريا ( ضاعت ) وانهاردة يوم مشهود فى كل العهود انهاردة يوم تاريخى هيغير جغرافية العالم يمكن يخلى الارض مربعة او مثلثة زى ما المصريين عيزين انهاردة يوم الكرامة والحرية والحق والمسئولية انهاردة 19 مارس 2011 بعد ثورة عظيمة انا شاهد عليها ورغم كل اللى اتقال عن اجندات ومخدرات وتمويلات واشباة نساء واشباه رجال وكمان جنس تالت وجبناء من ايران وحماس وحزب الله وامريكا واسرائيل وسربيا وبلاد بتعبد الجان رغم كل اللى اتقال قدر الشباب يسقطوا النظام واخيرا البلد هتبقى تمام التمام بكدة لازم اقدم اعتذار للى قولتة زمان انة مفيش فايدة والدليل اهو الشعب راح ينتخب ويقول كلمتة فى الاستفتاء وطبعا كل شىء هيبقى لصالح الانسان مفيش محسوبية ولارشاوى ولاواسطة ولا امن دولة وتعذيب اخيرا هيعيش صحبنا الغلبان فى امن وامان وبكرة هيكون فية برلمان ورئيس كمان ودستور قوى وكلها كام شهر وتبقى البلد اغنى البلدان ومخبيش عليكم ان اكتر حاجة كنت مبسوط منها انى سمعت الناس حواليا مختلفين على ايوة ولا بس فى النهاية اتفقوا على حاجة واحدة انهم بيحبوا بلادهم وكل واحد بحبها بطريقتة ومش مهم نتيجة الاستفتاء المهم ان الناس تقول كلمتها وسمعت واحد بيقول اننا حتى لو غلطتنا ادينا بنتعلم من اخطئنا وبكرة نعرف واهى الحياة تجارب وطبعا انا اسعد واحد فى الكون لانى هتفرج على اكتر من تمانين مليون وهما سعداء وبحكموا الملعون وعشان كدة لازم اريح نفسى كام يوم وبالمرة اغير حجرى واستعد لثورة الاعلام الجديدة واشتغل انا كمان مع صحبى الغلبان وماقولش لا ابدا وكلها كام شهر ويمكن كمان احصل على جراب يحافظ عليا من عرق الايدين وبرد الشتا تقديرا لدورى معاة لانة دايما ممرمطنى ابن اللذين
سلام بقى ونتقابل بعد كام يوم!!!!!
صحيت من النوم بعد كام يوم على ايد المواطن بتمسكنى واول شىء لغى كل القنوات وبدأ يعمل بحث جديد انا قولت فى عقلى ايوة كدة اكيد كل القنوات اتغيرت لاننا فى مصر الجديدة واستنيت شويين وبعدها ابتدى الشغل يامسهل الحال
اول قناة القناه الاخبارية المشهورة اللى كانوا بيقولوا عنها ممولة وطلعت فى الاخر مظلومة اية دا مش عيزة تشتغل مفيش اش
